CASFETA-TAYOMI Kuwasha Moto wa Injili Nchini

Wanafunzi wa Vyuo vikuu nchini wenye Imani ya Kipentekoste chini ya Huduma ya Tanzania Youth Ministries (TAYOMI) wako katika kuhubiri Injili sehemu mbalimbali nchini. Lengo kuu la Kampeni hii ni kuwafikia watu wote kwa Injili kama ambavyo agizo la Bwana Yesu Kristo linavyotaka; "enendeni ulimwenguni mwote mkaihubiri Injili... (Mathayo 28:18-19). Mikutano hii ya Injili inayofanyika nchini kila wakati wa likizo ni moja ya kutimiza maono ya TAYOMI ambayo ni "Kubadilisha maisha ya vijana ili nao waubadilishe Ulimwengu". 

Wana CASFETA wa Chuo kikuu cha Dar es salaam wameshamaliza kuhubiri Injili huko wilayani Bagamoyo tangu jumapili iliyopita 12/2/2012, ambapo watu wengi wameokolewa na kufunguliwa kutoka vifungo mbalimbali vya ibilisi. Wana CASFETA wa Mzumbe University watakua Mkoani Tanga wilaya ya Muheza Kijiji cha Kwafungo wakihubiri habari njema za wokovu kuanzaia tarehe 24/2/2012.

Wana CASFETA wa chuo kikuu cha Dodoma maarufu kama UDOM watakua Mkoani Tanga, katika Barabara kuu ya Chalinze-Segera, kijiji cha Mkata Wilayani Handeni kuanzia tarehe 19-25/2/2012. Hii ni fursa kwa wachungaji wa Makanisa ya kipentekeste kushirikiana na vijana hawa kuhubiri Injili nchi nzima.